МОНГОЛ УЛСЫН ИХ СУРГУУЛЬ 

 МЭДЭЭЛЛИЙН ТЕХНОЛОГИЙН СУРГУУЛЬ

   Инженерчлэлийн хэт цахиваас хөгжлийн гал бадармой!  2009 он 

 Мэдээллийн технологийн хөгжлийн чиг хандлага, нийгмийн эрэлт хэрэгцээг харгалзан мэдээлэл, холбооны технологийн чиглэлээр мэргэжилтэн бэлтгэх хүрээг өргөтгөж 2002 онд МЭДЭЭЛЛИЙН ТЕХНОЛОГИЙН СУРГУУЛЬ байгуулагдсан билээ.

МАНАЙ СУРГУУЛЬ

ü  Электроникийн инженер (Электроник, автоматик)

ü  Компьютерийн инженер (Компьютерийн техник хангамж)

ü  Мэдээллийн технологийн инженер (Компьютерийн програм хангамж)

ü  Мультмедиа, график дизайн      (Компьютерийн график дизайн)ü 

 Компьютерийн сүлжээний инженер       (Компьютерийн техник хангамж, сүлжээ)

ü  Мультимедиа холбооны технологи      (Мультимедиа холбооны технологи)    мэргэжлүүдээр дөрвөн жилийн сургалт явуулж бакалаврын зэрэг олгодог. Мөн мэдээллийн технологи, электроникийн чиглэлээр магистр,  докторын сургалт явуулж байна. 

Мэдээллийн технологийн инженер 

•  Компьютерийн програм хангамж зохиох 
•  Мэдээллийн системийн боловсруулалт
•  Интернэт худалдааны програм зохиох
•  Програм хангамжийн менежмент

  Вэб сайт урлан бүтээхчиглэлээр ажиллах мэргэжилтэн болно. Төрөл бүрийн програм хангамжийг зохиох, програм хангамжийн төсөл боловсруулах чадвартай, интернэт технологийг сайн эзэмшсэн инженер болно. 

Электроникийн инженер

•  Ахуйн автоматжуулалт, дохиолол хамгаалалт
•  Үйлдвэрлэлийн автоматжуулалт, эрчим хүч
•  Харилцаа холбоо, төхөөрөмжийн интерфэйс
•  Pобот техник зохион бүтээх чадварлаг инженер болно. Байгууллагын электрон шийдлүүдийг бүрэн хариуцаж, бүх төрлийн автомат системийг зохион бүтээх чадварлаг инженер юм.

Компьютерийн инженер 

• Компьютерийн бүх төрлийн үйлдлийн систем
•  Програм хангамжийн зохион бүтээх
•  Микропроцессор, интерфэйсийн төхөөрөмж зохион бүтээх
•  Сүлжээний зохион байгуулалт хийдэг
• Вэб сайт урлан бүтээхмэргэжилтэн болно. Компьютерийн техник хангамж мөн програм хангамж, интернэт орчны талаар мэдлэгтэй болж төгсдөг учир нийгэмд олон чиглэлээр хөрвөн ажиллах боломжтой. 

Компьютерийн сүлжээний инженер

•  Cүлжээний төлөвлөлт, зохиомж
•  Сүлжээний програм хангамж
• Төрөл бүрийн серверийн систем удирдлага
• CISCO төхөөрөмжийн удирдлага
•  Утасгүй холбоо, хиймэл дагуулын сүлжээ
•  Үүрэн телефоны мэдлэгтэй чадварлаг инженер юм. Компьютерийн сүлжээний талаар нарийн мэдлэгтэй болдог учир улс, хот, байгууллагын компьютерийн сүлжээний асуудлыг бүх түвшинд шийдэж чадахуйц мэргэжилтэй болдог. 

Мультимедиа холбооны технологи

• Радио холбоо, теле холбоо, утасгүй холбоо 
•  Мультимедиа холбоо, хиймэл дагуулын сүлжээ 
• Үүрэн холбооны технологи 
• Гар утасны програмчлал 
• Cүлжээний төлөвлөлт, зохиомж 
• Төрөл бүрийн серверийн систем удирдлагачадварлаг инженер юм. Мультимедиа холбооны талаар нарийн мэдлэгтэй болдог учир улс, хот, байгууллагын радио холбоо, үүрэн холбооны асуудлыг бүх түвшинд шийдэж чадахуйц мэргэжилтэй болдог. 

Мультмедиа, график дизайн

•  Компьютерийн график дизайн 
• Компьютерийн график анимэшин хөдөлгөөн 
• Дүрслэх урлаг, уран зургийн сэтгэмж 
• Компьютерийн програм хангамж зохиох
• Дуу авиа, мультмедиа 
• Вэб сайт урлан бүтээх чадварлаг инженер юм. Компьютерийн график дизайн, мультмедиа талаар нарийн мэдлэгтэй болдог учир орчин үеийн техник, технологийг ашиглан хөдөлгөөнт  дүрс, дуу авиа, дүрслэх урлагийн ур чадвар шаардсан ажлыг хийх мэргэжилтэн болно. Тус мэргэжлээр телевиз, дуу хөгжмийн студид ажиллах чадвартай мэргэжилтэн болох боломжтой. 

МЭРГЭЖЛИЙН НИЙТЛЭГ ШИНЖ, АМЖИЛТ  

     Манай сургуульд элсэгчид математикийн суурь мэдлэг сайтай, бүтээлч сэтгэхүйтэй байвал зохино. Хичээлийн эхний улирлаас англи хэлний түвшин тогтоож, анхан, дунд, гүнзгий шатны сургалтыг 2 жилийн турш явуулдаг учир гадаад хэлний мэдлэг сайн эзэмшиж, нийтлэл бичих, илтгэл тавих чадвартай, TOEFL-ийн дунд шатны мэдлэгтэй болдог. Үйлдвэрлэлийн дадлага, ангийн 2 төсөл, дипломын төсөл бичиж, хамгаалдаг. Мөн олон нийтийн өмнө өөрийн үзэл бодлыг чөлөөтэй илэрхийлэх чадвартай болж төгсдөг. Оюутнуудын дунд жил бүр урлаг, спорт, хичээлтэй холбогдолтой янз бүрийн сонирхолтой уралдаан тэмцээнийг зохион байгуулдаг.

      Их дээд сургуулиудын дунд зохиогддог улсын чанартай Электроникийн, Програмчлалын олимпиадад амжилттай оролцож тэргүүн байрыг эзэлдэг. Тухайлбал сүүлийн 2 жилд: 

•  2009 оны Их, Дээд сургуулиудын програмчлалын олимпиадын аварга сургууль, цом, 
• 2008 оны Их, Дээд сургуулиудын програмчлалын олимпиадын аварга сургууль, цом, мөн электроникийн олимпиадын аварга сургууль, 
• 2007 оны Их, Дээд сургуулиудын электроникийн олимпиадын аварга сургууль, цомыг тус тус аваад байна. 

2006 онд зохиогдсон програм зохиогч оюутны тэмцээнд тэргүүлсэн манай оюутны баг Монголдоо анхны 3 хэмжээст РС тоглоом зохион бүтээж Япон улсад явагдсан програм хангамжийн тэмцээнд амжилттай оролцож тусгай шагнал хүртсэн.   Жил бүр уламжлал болон зохиогддог ABU Робокон тэмцээнд анх зохиогдсон үеэс амжилттай оролцож ирсэн. Үүний дүнд 2007, 2008, 2009 онуудад Үндэсний аварга багаар тодорч Олон улсын тэмцээнд улсаа төлөөлөн оролцож 2007 онд ерөнхий ивээн тэтгэгч, 2008 онд шилдэг инженерийн шийдэл, 2009 онд Япон улсад болох Олон Улсын  тэмцээнд Монгол улсаа төлөөлөн оролцох хүндтэй үүргийг мөн хүлээгээд байна.

МАНАЙ СУДАЛГАА

ü  Компьютер, хэл шинжлэлийн судалгааны төв (Монгол хэлийг компьютержүүлэх судалгаа)

ü  Мобайл ба Эмбеддэд технологийн судалгааны төв (Зөөврийн электрон төхөөрөмж, гар утасны технологи, програм хангамжийн судалгаа) 

ТӨГСӨГЧИД

    МТС-д суралцагсад нь микропроцессорын  болон компьютерийн техник, тэдгээрийн програмын талаар онол, дадлагын өргөн мэдлэгтэй төгсөх учир техник, програмын аль ч чиглэлээр ажиллах чадамжтай байдаг. Манай олон төгсөгч ШУТИС, МУБИС зэрэг их дээд сургуульд багшилж, шинжлэх ухааны байгууллага болон үйлдвэр, аж ахуйн газарт, тухайлбал Эрдэнэт үйлдвэр, Чойбалсан хотын Дулааны цахилгаан станц, МИАТ, МСS компани, Ньюком системс, Юнител, Мобиком, Мэдээллийн Технологийн Үндэсний Парк зэрэг байгууллагад автоматжуулалт, сүлжээ, холбоо, электрон багаж хэрэгсэл, програмын систем зохион бүтээх чиглэлээр үр бүтээлтэй ажиллаж байна.

    Toyota, Vuteq, Sankou seiki, T-RAD зэрэг компаниудтай байгуулсан гэрээний дагуу 2007 онд 4, 2008 онд 7 төгсөгч Япон улсад ажиллах эрх авсан.  

ЭЛЕКТРОНИК СОНИРХОГЧ ОЮУТАН ЗАЛУУСЫН КЛУБ

     Оюутан залуус электроникийн хүсэл, сонирхлоороо нэгдэж, өөрсдийн мэдлэг туршлагаа солилцож, бие биеэсээ харилцан суралцаж, хамтран бүтээж электроникийг Монголд хөгжүүлэх зорилгоор ЭСОЗК-ыг 2001-11-23-нд  үндэслэн байгуулсан. Эл клуб нь техник, технологийн сэдвээр долоо хоног бүр семинар зохион байгуулж электроникийн тоног төхөөрөмж зохион бүтээх дугуйлан явуулах зэрэг үйл ажиллагаа явуулж байна. 

“KNOW HOW” КЛУБ

     “Know How” клуб нь оюутан залуусын ярих чадварыг хөгжүүлж илтгэл, эссэ бичих арга барилыг эзэмшүүлэх замаар эрдэм шинжилгээний ажил хийгчдийг дэмжих, мэргэжлийн чиглэлээр хамтран ажиллах орчинг бүрдүүлэх, оюутнуудын сурах болон нийгмийн идэвхи чармайлтыг дээшлүүлэх зорилгоор сайн дураар эвлэлдэн нэгдсэн ашгийн бус олон нийтийн байгууллага юм.